Ўзбекистон Республикасидаги алоҳида эҳтиёжли болалар учун инклюзив таълим

Ижтимоий ҳамжиҳатлик  Европа Иттифоқининг асосий қадриятларидан бўлиб, бу айниқса ижтимоий сиёсатга европача қарашга тааллуқли. Мен учун ушбу атама шуни англатадики, барча одамлар, эътиқоди, моддий шароитлари, қобилиятлари, ёши, бўйича, маълумоти ... ва бошқа хусусиятларидан қатъий назар, жамият тақдим этадиган ресурслардан фойдаланиш имкониятига эга бўлиши керак. Австриялик бўла туриб, шуни айтишим мумкинки, ушбу қадриятлар ўз «менимиз»ни ривожлантириш —хоҳ хусусий тарзда, хоҳ жамоавий тарзда — концепциямизнинг бир қисми ҳисобланади. Бизнинг мамлакатимиз ушбу соҳада кучли сиёсатга эга ва Европада келгуси сиёсатларни ишлаб чиқиш учун намуна бўлиб хизмат қилади. 

 30 йилдан ортиқ вақт мобайнида ижтимоий ноқулай муҳитга тушиб қолган одамлар — болалар, катталар ва ҳатто, қариялар  ҳуқуқларини ҳимоя қилиш соҳасида ишлаб келмоқдаман. Мен руҳий ва жисмоний нуқсони бор одамлар, ҳаракатларида камчиликлари бор одамлар, мигрантлар, узоқ муддат ишсизлар, тартиббузарлар ва б.лар билан  ишлайман. 

15 йилдан буён чет элларда — асосан Жануби-Шарқий Европа, хусусан,  Болгария, Косово ва Хорватияда, бир муддат Туркия ва  Украинада ҳам ишлаганман. Ушбу йиллар давомида кўп нарсаларни кўрдим ва катта ҳаётий тажриба орттирдим.

Бу ерда, Ўзбекистонда инклюзив таълим бўйича лойиҳа раҳбари сифатида ишлаш, мен учун жуда қизиқарли. Айниқса, менга одамларинингизнинг меҳмондўстлиги ва мульти-маданий муҳит ёқади. Ўзбек халқининг катта салоҳиятига ишонч ҳосил қилдим ва ушбу салоҳиятни аниқ ҳаракатларга айланишига кўмаклашаман, деган умиддаман. Менинг ишимда айниқса, жамиятнинг ижтимой қатламларга мансуб кишилар алоҳида қизиқиш уйғотади. Умид қиламанки, Европа Иттифоқи томонидан молияланадиган  «Ўзбекистонда алоҳида эҳтиёжли болалар учун инклюзив таълим» лойиҳаси Ўзбекистонда кўпроқ даражада инклюзив тизим амал қилишига ижобий таъсир кўрсатади, ва алоҳида таълим  эҳтиёжларига эга болаларнинг ҳаёти  ёрқин, тўлақонли ва ижтимоий фаол бўлади.