Ўзбекистон Республикасидаги алоҳида эҳтиёжли болалар учун инклюзив таълим

Амир 9 ёшда, у 13-сонли етакчи мактабнинг 1-синфида ўқийди. Бироқ бундан аввал Амир махсус мактабда 1 йил таълим олган. Лойиҳа тўғрисида хабар топган онаси уни 13-умумтаълим мактабига ўтказишга қарор қилди. Етакчи мактабга болани қабул қилишди, бироқ унинг ёнида кузатувчиси бўлишини илтимос қилишди. Бундай заруриятнинг юзага келиши табиий бир ҳол. Амир қувноқ ва жуда ҳаракатчан бола, жим ўтиради,
синфда бўлиш унга жуда оғир.

Амирда ҳарфларни туташ нуқталар орқали бирлаштириш, ёзиш кўникмасини эгаллаш қийин кечмоқда. Амирнинг бахтига унинг таянчи сифатида кўнгилли Зилола ишламоқда. Амир мактабда ўқийди, бироқ жисмоний тарбия каби фанлар бўлган пайтда кўнгилли қиз Зилола у билан ўйин машғулотлари ўтказади. Чунки Амир жисмоний тарбия дарсига чиқишга қўрқади, «Бу дарс шовқинсуронли дарс»,– дейди у. Амир узоқдан спорт залида шуғулланаётган синфдошларини кузатишга бошлади.

Аввал у ҳатто спорт залининг деразаси ёнига келишга ҳам қўрқар эди. Амир анча хотиржамроқ бўла бошлади, ўқиш завқини ҳис этиб, мактаб вас инф тадбирларида иштирок эта бошлаяпти. «Ривожланиш даражасига кўра,-дейди ўқитувчи Юсупова Лола Валерьевна, Амир ўз тенгдошларидан орқада қолмоқда, бироқ бу муҳим эмас. Муҳими, вазифаларни синфда бажаришга ўрганмоқда». Улғайганида Амир ҳаётда ўз ўрнини топишига унинг устида ишлаётган мураббий, яқинларининг ишончлари комил. Бунга тўлиқ ишонса бўлади.