Ўзбекистон Республикасидаги алоҳида эҳтиёжли болалар учун инклюзив таълим

1. Инклюзив таълим бўйича 2015-2017 йилдаги Миллий стратегияни ишлаб чиқишга 5 асосий вазирлик, ННТ, Олий Мажлис ва бошқа ташкилотлардан 26 мутахассис жалб қилинди.

2. Алоҳида эҳтиёжли 1410 бола таълим олишлари учун лойиҳадаги беш етакчи ҳудуддаги умумий таълим тизимига киритилди.

3. Лойиҳа доирасида 5 ҳудуд (Тошкент, Самарқанд, Наманган, Урганч, Термиз)да 30 етакчи мактаб ва болалар боғчаси ишга туширилди.

4. Лойиҳа доирасидаги махсус тренинг ва семинарларда 60 та тренер, 944 педагог ва тарбиячилар, 247 мактаб эксперти ва ёрдамчи ходим (логопед, кўнгилли ва бошқа)лар, 714 ота-она, шунингдек, 90 тиббий-психологик-педагогик комиссиянинг экспертларига сабоқ берилди.

5. Лойиҳа ишига Австрия, Латвия, Литва, Македония, Финландия ва Буюк Британиядан 8 халқаро экспертлар жалб қилинган.

6. Инклюзив таълим бўйича 7 та ота-оналар клуби ҳамда 5 та Ресурс марказлари ташкил этилди.

7. Лойиҳада очилган Ресурс Марказларида 1511 та консультация ўтказилди.

8. Лойиҳа юзасидан 6 та бюллетень ва жамоатчилик, давлат органлари, ота-оналар, педагог ва болаларга ахборот берувчи 5 та қўлланма ўзбек ва рус тилларида тайёрланди.

9. Чоп этилган бюллетенларнинг умумий адади 3000 нусха, ахборот қўлланмаларининг адади эса 1500 нусхани ташкил қилади.

10. Мамлакатдаги ОАВда 90 та мақола ва ахборот материаллари чиқарилди, лойиҳанинг 5 та ҳудудидаги ОАВнинг 65 та журналистига инклюзия масалаларини ёритишга қаратилган тренинглар ўтказилди.