Ўзбекистон Республикасидаги алоҳида эҳтиёжли болалар учун инклюзив таълим

Халқаро Форум БМТнинг “Бола ҳуқуқлари тўғрисида”ги конвенциясининг 25-йиллигини, шунингдек, Ўзбекистонда болаларни ижтимоий ҳимоялаш бўйича мақбул механизмларни жорий этиш соҳасидаги асосий институтлардан бири бўлган Республика болаларнинг ижтимоий мослашуви маркази (РБИММ) фаолиятнинг 10-йиллигини нишонлашга бағишланган.
Форум мақсадларидан бири ижтимоий ночор гуруҳлар фарзандларини (ногиронлиги бор болалар, етим болалар ва ота-она қарамоғисиз қолган болалар; ижтимоий ва ҳуқуқий таваккалчилик гуруҳи фарзандлари) ижтимоий ҳимоялаш, ижтимоий мослашув, уларни ривожлантириш ва жамиятга интеграция қилиш масалаларини кўриб чиқишдан иборат.

Ушбу соҳадаги инновацион тажриба билан ўзаро алмашишга қаратилган ушбу анжуман идоралараро келишувлар, мавжуд тизимларни мақбуллаштириш, барча идоравий босқичларда янги, самарали ижтимоий ҳамкорлик усулларини қўллаш орқали вазирликлар ва идоралар, Олий Мажлис Сенати вакиллари, ижтимоий шериклик соҳасида келгуси қўшма хатти-ҳаракатлар стратегиясини, шунингдек болаларни ижтимоий ҳимоя қилиш соҳасидаги муносабатлар тизимини ишлаб чиқиш мақсадида уюштирилган.

Ижтимоий-иқтисодий ривожланиш дастурларини амалга оширишда, ижтимоий муаммоларни ҳал қилишда, болаларнинг ночор гуруҳлари ҳуқуқлари, эркинликлари ва манфаатларини ҳимоя қилишда болаларни ижтимоий ҳимоялаш тизими соҳасидаги давлат сиёсатининг устувор йўналишларининг аҳамиятини таъкидлаган ҳолда, айтиш керакки, ижтимоий шериклик ННТ ва фуқаролик жамиятининг бошқа институтларини ривожлантиришда тобора муҳим роль ўйнамоқда.

Форум ташкилотчилари Республика болаларнинг ижтимоий мослашуви маркази (РБИММ), халқ таълими, олий ва ўрта махсус таълим, соғлиқни сақлаш, меҳнат ва аҳолини ижтимоий муҳофаза қилиш, молия вазирликлари, Sen Yolg’iz Emassan РЖБФ, Касаба уюшмалари Кенгаши, БМТ Болалар фондининг (ЮНИСЕФ) Ўзбекистондаги ваколатхонаси, «Камолот» ЁИҲ, Тошкент шаҳри ҳокимияти ҳисобланади.