Ўзбекистон Республикасидаги алоҳида эҳтиёжли болалар учун инклюзив таълим

2014 йилнинг 1-2 ноябрида Тошкент вилоятининг Чимён тоғи ён-бағирларида Ўзбекистонда 2015-2017 йилларда инклюзив таълим бўйича Миллий стратегияни ишлаб чиқишга бағишланган семинар бўлиб ўтди. Семинар доирасида иштирокчилар инклюзив таълим амалиётини жорий қилган мактаблар ва болалар боғчаларига ташриф буюрди, қонунчилик ва бюджет таҳлили лойиҳаси билан танишиш, инклюзив таълим ресурслари ва кооперацион моделини, шунингдек Ўзбекистонда инклюзив таълим амалиётини жорий қилиш бўйича ўзаро англашув меморандуми форматини муҳокама қилиш имкониятига эга бўлишди.

Семинарда халқ таълими, соғлиқни сақлаш, олий ва ўрта махсус таълим, меҳнат ва аҳолини ижтимоий ҳимоя қилиш вазирликлари ва Республика болаларнинг ижтимоий мослашуви маркази (РБИММ) дан эксперт в мутахассислар иштирок этди. Лойиҳанинг сифатни баҳолаш бўйича эксперт Диляра Юсупова ўз таассуротари билан бўлишди:

«Семинарнинг ўзига хослиги шундаки, турли вазирликлар вакиллари бир даврада, норасмий тарзда учрашиб, стратегия ва хатти-ҳаракатлар режасини ишлаб чиқиш бўйича муваффақиятли мулоқот олиб боришди. Энг муҳими – стратегия Ўзбекистонда инклюзив таълимнинг барқарор ривожлантирилишини таъминлаши керак.

Семинар якунлари бўйича Стратегиянинг юқорида санаб ўтилган мақсадларини мақбуллаштириш, шунингдек 2015 йилнинг январида ўтказилиши режалаштирилган навбатдаги семинаргача қўйилган вазифалар ишлаб чиқилишини якунлаш ҳақида қарор қабул қилинди».