Ўзбекистон Республикасидаги алоҳида эҳтиёжли болалар учун инклюзив таълим

29 апрелда Мирзо Улуғбек номидаги Ўзбекистон Миллий университетида Республика болалар ижтимоий мослашуви маркази (РБИММ) ҳамда «Етакчи» ёшлар марказининг ташаббуси билан «Ўзбекистон жамиятини модернизациялаш жараёнида оналик ва болаликни ижтимоий ҳимоя қилиш» мавзусида илмий-амалий конференция бўлиб ўтди.

Конференция жараёнида Ўзбекистон Республикаси Олий Мажлис Қонунчилик палатасининг депутатлари, Халқ таълими, Соғлиқни сақлаш вазирликларидан мутахассислар; «SOS – Ўзбекистондаги болалар шаҳарчаси» Ассоциацияси, ЮНИСЕФ фонди, «Камолот» ёшлар ижтимоий ҳаракати, «Маҳалла» Фондининг вакиллари, шунингдек, ОЎЮнинг профессорлари, илмий ходим ва талабалари қатнашишди.

Республика болаларни ижтимоий мослашуви маркази мутахассислари «Алоҳида эҳтиёжли болаларни жамиятга мослаштириш ҳамда ижтимоий ҳимоя қилиш» шўъбасида бир қатор маърузалар билан қатнашишиб, маърузаларда «Ўзбекистоннинг алоҳида эҳтиёжли болаларини инклюзив таълим олиши» лойиҳаси доирасида эришилган ютуқлар алоҳида таъкидлаб ўтилди.
Конференциядаги чиқиш ва маърузалар «Илмий ишлар тўплами»га киритилди.