Ўзбекистон Республикасидаги алоҳида эҳтиёжли болалар учун инклюзив таълим

2 мартда Республика болалар ижтимоий мослашув марказида алоҳида эҳтиёжли болаларнинг ота-онаси учун ўйин семинари бўлиб ўтди.
Семинар ролли ўйин шаклида ташкил қилиниб, ота-оналар турли инсонларда дунёни қабул қилиш турфа хил бўлишини билиб олдилар. Масалан, вазифани бажариш учун ҳар бир ота-онага айнан бир
хил йўриқнома берилди.

Натижа нима бўлди дерсиз? Қатнашувчиларнинг барчаси турли натижага эришиб, бу ҳолат кўпчилик ота-оналарни мушоҳада юритишга ундади. Ҳақиқатан ҳам дунёни ҳар биримиз дунёқарашимиздан келиб
чиқиб, ҳар хил англаймиз.

****

23 майда Ота-оналар клуби ҳамда Хоразм ҳудуди координатори ташаббуси билан Хоразм вилояти Урганч шаҳридаги Ресурс марказида алоҳида таълимий эҳтиёжли болаларнинг ота-онаси учун семинартренинг ўтказилди. Семинар тренингда 30 та ота-оан қатнашди. Хоразм вилоят ўқитувчилар малакасини ошириш институтининг ўқитувчиси Навбаҳор Салаева (Москва Давлат университетини тугатган, психолог, фан доктори) олиб борди.

Семинар жараёнида отаоналар «алоҳида» болаларни тарбиялаш, мактаб ва жамият ҳаётига мослашувининг таъминланишига доир ўзларини қизиқтирган кўплаб саволарга жавоб олишди.