Ўзбекистон Республикасидаги алоҳида эҳтиёжли болалар учун инклюзив таълим

2016 йилнинг 15 апрелида Тошкентдаги Дипломат аёллар клуби (DWC) аъзолари ЕИ ҳамда Ўзбекистон ҳамкорлигига оид фаолият ва ушбу доирада йўлга қўйилган лойиҳалар билан танишиш мақсадида Ўзбекистондаги ЕИ Ваколатхонасининг қароргоҳига ташриф буюришди.

Тошкентдаги Дипломат аёллар Клуби халқаро ташкилотларнинг аёл вакиллари, элчи хонимлар ва турли мамлакат ҳамда ташкилотларнинг ваколати юзасидан Ўзбекистонда фаолият олиб бораётган дипломатик миссия раҳбарлари/ хорижий элчиларнинг рафиқаларидан ташкил топган норасмий ассоциациядир. Учрашув қатнашчи иштирокчилари – Дипломатик Клуб вакилларини ЕИ Ваколатхонасининг Раҳбари, Элчи Юрий Штерк кириш нутқи билан қаршилади.

Клуб аъзолари лойиҳа гуруҳи экспертларининг тақдимот нутқини тинглаб, Тошкентдаги инклюзив таълимнинг қай даражада ривожланганлиги тўғрисида кўпроқ маълумотга эга бўлиш учун алоҳида эҳтиёжли болаларнинг ота-онаси билан суҳбатлашиш имкониятига эга бўлишди.