Ўзбекистон Республикасидаги алоҳида эҳтиёжли болалар учун инклюзив таълим

29 февралда лойиҳа гуруҳи алоҳида эҳтиёжли болаларга таълим бериш ҳамда уни умумтаълим жараёнига татбиқ этилганлиги билан танишиш, шунингдек, мактаб ижтимоий ҳаётида бундай болаларнинг самарали инклюзиясини йўлга қўйилишида дуч келинаётган тўсиқларни аниқлаш ва бартараф этиш, бу борада лойиҳа қандай кўмак бериши мумкинлигини аниқлаш мақсадида Урганч шаҳар етакчи инклюзив таълим мактаб ҳамда боғчаларига ташриф буюрди.

Таркибида халқаро эксперт Мудите Рейгас, қонунчилик масалалари бўйича эксперт Юлдуз Умарбекова, Тошкент ҳамда Урганч шаҳар координаторлари, шунингдек, Европа Иттифоқи делегациясининг Ўзбекистондаги вакили Акмал Рустамовлар бўлган делегация инклюзив жараёнга жалб қилинган болаларнинг ота-оналари, тарбиячи ва ўқитувчилари билан суҳбатлашишди. Суҳбат жараёнида келаётган охирги олти ой мобайнида лойиҳа томонидан алоҳида эҳтиёжли болаларнинг ота-оналари билан алоҳида учрашувлар, бир қанча семинарлар ўтказиш зарурлиги аниқланди.